Urdu poetry

ranj se khoogar hua insaan to mit jaata hai ranj, mushkilen mujh par padeen itni ke aasaan ho gaeen Mirza Ghalib

ug raha hai dar-o-deewar se sabza Ghalib, hum bayaabaan mein hain aur ghar mein bahaar aayi hai Mirza Ghalib

bazeecha-e-atfaal hai duniya mere aage, hota hai shab-o-roz tamasha mere aage Mirza Ghalib

un ke dekhe se jo aa jaati hai munh par raunaq, wo samajhte hain ke beemar ka haal achha hai Mirza Ghalib

dard minnat-kash-e-dawa na hua, main na achha hua bura na hua Mirza Ghalib

imaan mujhe roke hai jo khinche hai mujhe kufr, kaaba mere peechhe hai kalisa mere aage Mirza Ghalib

ye na thi hamari qismat ke visaal-e-yaar hota, agar aur jeete rehte yahi intezaar hota Mirza Ghalib

bas-ki dushwar hai har kaam ka aasaan hona, aadmi ko bhi mayassar nahin insaan hona Mirza Ghalib

aah ko chahiye ik umr asar hone tak, kaun jeeta hai teri zulf ke sar hone tak Mirza Ghalib

dil hi to hai na sang-o-khisht dard se bhar na aaye kyun, royenge hum hazaar baar koi hamein sataaye kyun Mirza Ghalib

hum ko maloom hai jannat ki haqeeqat lekin, dil ke khush rakhne ko Ghalib ye khayaal achha hai Mirza Ghalib

ishq par zor nahin hai ye wo aatish Ghalib, ke lagaaye na lage aur bujhaaye na bane Mirza Ghalib

kahan maikhane ka darwaza Ghalib aur kahan waiz, par itna jaante hain kal wo jaata tha ke hum nikle Mirza Ghalib

hum ne maana ke taghaful na karoge lekin, khaak ho jayenge hum tum ko khabar hone tak Mirza Ghalib

hum wahan hain jahan se hum ko bhi, kuchh hamari khabar nahin aati Mirza Ghalib

hain aur bhi duniya mein sukhanwar bahut achhe, kehte hain ke Ghalib ka hai andaaz-e-bayaan aur Mirza Ghalib

qaid-e-hayat-o-band-e-gham asl mein dono ek hain, maut se pehle aadmi gham se nijaat paaye kyun Mirza Ghalib

be-khudi be-sabab nahin Ghalib, kuchh to hai jis ki parda-daari hai Mirza Ghalib

poochhte hain wo ke Ghalib kaun hai, koi batlao ke hum batlaayen kya Mirza Ghalib

ragon mein daudte phirne ke hum nahin qaail, jab aankh hi se na tapka to phir lahu kya hai Mirza Ghalib

sab kahan kuchh lala-o-gul mein numaayaan ho gaeen, khaak mein kya sooraten hongi ke pinhaan ho gaeen Mirza Ghalib

phir usi bewafa pe marte hain, phir wahi zindagi hamari hai Mirza Ghalib

hazaaron khwahishen aisi ke har khwahish pe dam nikle, bahut nikle mere armaan lekin phir bhi kam nikle Mirza Ghalib

hui muddat ke Ghalib mar gaya par yaad aata hai, wo har ek baat par kehna ke yun hota to kya hota Mirza Ghalib

dil-e-nadaan tujhe hua kya hai, aakhir is dard ki dawa kya hai Mirza Ghalib

na tha kuchh to khuda tha kuchh na hota to khuda hota, duboya mujh ko hone ne na hota main to kya hota Mirza Ghalib

ishq ne Ghalib nikamma kar diya, warna hum bhi aadmi the kaam ke Mirza Ghalib